Summarið er farið at halla, og nú stundar til skúlabyrjan á Tórshavnar Kvøldskúla.
Kvøldskúlin spennir seg í vetur út við nógvum spennandi og áhugaverdum skeiðum og fyrilestrum.
Í alt eru skeiðini 254 í tali, harav 68 eru nýggj.
Tilmeldingin byrjar mánadagin 26. august klokkan 18.00 og fer fram á heimasíðu skúlans, kvoldskulin.fo.
Tilmeldingin verður hesaferð í trimum umførum, klokkan 18.00, klokkan 19.00 og klokkan 20.00. Nærri kunning fæst á heimasíðu skúlans og í faldaranum, sum í dag er borin í hvørt hús í Tórshavnar kommunu.
Vit fara næstu dagarnar at leggja brellbitar á heimasíðu og facebook vanga skúlans.
Tórshavnar Kvøldskúli ynskir øllum eitt gott komandi skúlaár.
Hjartaliga vælkomin á kvøldskúla !