Fuglakøni Silas Olofson, kendur frá sjóvarpsrøðini “Sært tú fuglin”, helt fyri stuttu áhugaverdan fyrilestur á Tórshavnar Kvøldskúla.
Í fyrilestrinum greiddi Silas frá um ríka føroyska fuglalívið.
Hann hugleiddi eitt nú um búfugl í Føroyum, um flyting hjá fugli millum lond og um hóttanir móti fugli og fuglastovni í Føroyum.
Eisini var onkur skemtilig søga úr føroysku náttúruni.
Silas er sum tikin úr leikum, og hansara stóri áhugi fyri fugli og fulgalívi gjørdi fyrilesturin bæði áhugaverdan, livandi og kveikjandi.
Fleiri myndir eru á vanga okkara á facebook.