Myndarøð: Matglaðir menn og matgerð

– Nú verður neyvan friður, tí nú ber illa til at fjala evnini at gera mat, siga teir. Og so rungar láturin.

Matglaðu menninir hugna sær óført í køkinum í Eysturskúlanum.

Teir hava teknað seg til skeið á Kvøldskúlanum fyri matglaðar menn.

– Vit umhugsa støðuna og ætla at taka eitt sig aftrat upp eftir stiganum og tekna okkum til sjónvarpsrøðina mesterkok næstu ferð, siga teir. Og so flenna teir aftur. Og halda um búkin.

Undirvísarin ivast tó eitt vet og ristir við høvdinum, men meinar tað ikki so illa. Tó situr ikki alt, sum tað skal, heldur hon.

Men tað hevur minni týdning, tí stuttligt er tað. Og tá snøklarnir eru hampaðir so nøkunlunda, sæst minni munurin á meistara og lærlingum.

Á matarlepanum er dampaður fiskur við leyki, selleri, eplamorli og blommkálsrísi og sjokulátudesert omaná.

Ein longri myndarøð sæst á vanga okkara á facebook. 

18:17:00